Կոմիում ռելսերից դուրս եկած գնացքի կողաշրջված վագոնի տակ տղամարդու դի է հայտնաբերվել

ԵՐԵՎԱՆ, 27 հունիսի – Sputnik. Կոմիում (Ռուսաստան) Վորկուտա-Նովոռոսիյսկ գնացքի շրջված վագոններից մեկի տակ տղամարդու դի է հայտնաբերվել, հայտնում է Տրանսպորտի միջտարածաշրջանային քննչական վարչության Telegra- ալիքը։

«Քննիչները Կոմի Հանրապետության այն հատվածում, որտեղ կողաշրջվել է Վորկուտա-Նովոռոսիյսկ մարդատար գնացքի ինը վագոնը, դեպքի վայրը զննելիս շրջված գնացքի վագոններից մեկի տակից հայտնաբերել են տղամարդու դի», - ասվում է հաղորդագրության մեջ։

Հունիսի 26-ին Վորկուտա-Նովոռոսիյսկ թիվ 511 մարդատար գնացքի ինը վագոն ռելսերից դուրս էր եկել Կոմի տանող հատվածում: Կոմիի նահանգապետ Վլադիմիր Ուիբայի խոսքով՝ գնացքում եղել է 195 ուղևոր և 20 երկաթուղային աշխատող։ Վերջին տվյալներով՝ հոսպիտալացված է 10 մարդ։

Ռուսական երկաթուղիներից գիշերը հայտնել են, որ գնացքների երթևեկությունը Կոմիի Ինտա-1-Ուգոլնի ՍԶԴ հատվածով վերականգնվել է մեկ գծով: