Իրանում նախագահական ընտրությունները ժամանակից շուտ կկայանան ավիավթարի հետևանքով նախագահ Իբրահիմ Ռաիսիի մահվան պատճառով: Թեկնածուների գրանցումը տեղի է ունեցել մայիսի 30-ից հունիսի 3-ը։ Հունիսի 11-ին հայտարարվել է թեկնածուների վերջնական ցուցակը:
Նրանց թվում են․
1.
Մոհամմադ Բաղեր Քալիբաֆ․ խորհրդարանի խոսնակ, Թեհրանի նախկին քաղաքապետ և Իսլամական հեղափոխության պահապանների կորպուսի բարձրաստիճան սպա: Քալիբաֆը նախկինում երկու անգամ մասնակցել է նախագահական ընտրություններին և ինքնահռչակ «Իսլամական հեղափոխության զինվոր» է:2.
Սաիդ Ջալիլի․ միջուկային ծրագրի հարցով Իրանի նախկին գլխավոր բանակցողն է և գերագույն առաջնորդի ներկայացուցիչը Ազգային անվտանգության գերագույն խորհրդում: Ջալիլին հայտնի է որպես ուլտրապահպանողական և մասնակցել է 2013 թվականի նախագահական ընտրություններին։3.
Ամիր Հոսեյն Գազիզադե Հաշեմի․ բժիշկ է, Ռայիսիի ժամանակ փոխնախագահ է եղել, Նահատակների և վետերանների հիմնադրամի ղեկավարն է: Հաշեմին մասնակցել է նաև 2021 թվականի նախագահական ընտրություններին՝ զբաղեցնելով չորրորդ տեղը։4.
Մասուդ Պեզեշկիան․ առողջապահության նախկին նախարար: 2016-2020 թվականներին եղել է Թավրիզից խորհրդարանի պատգամավոր և խորհրդարանի նախագահի առաջին տեղակալ։5.
Մոստաֆա Պուրմոհամադին թեկնածուների թվում միակ իսլամական հոգևորականն է, ներքին գործերի նախկին նախարարը և արդարադատության նախարարը: Նախկինում նա նաև հեղափոխական դատարաններում դատախազի և հետախուզության փոխնախարարի պաշտոններ է զբաղեցրել։6.
Ալիռեզա Զաքամին Թեհրանի քաղաքապետն է, ուլտրապահպանողական, որը նախկինում երկու անգամ որպես թեկնածու մերժվել էր նախագահական ընտրություններում:Նշենք, որ քարոզարշավը կտևի մինչև հունիսի 26-ը, ընտրությունները կկայանան հունիսի 28-ին: Եթե թեկնածուներից ոչ մեկը ձայների 50 տոկոսից ավելին չհավաքի, հուլիսի 5-ին կանցկացվի երկրորդ փուլը։