ԵՐԵՎԱՆ, 23 հունիսի – Sputnik. Սևաստոպոլում Ուկրաինայի զինված ուժերի հրթիռային հարվածների հետևանքով զոհերի թիվը հասել է հինգի: Տեղեկությունը հայտնել է մարզպետ Միխայիլ Ռազվոժաևը իր Տելեգրամ–ալիքում:
«Ցավոք, մենք այժմ ունենք երեք մահացած երեխա և երկու մեծահասակ»,- գրել է նա:
Վերջին տվյալներով՝ տուժել է 119 մարդ։
«Հինգ երեխա քաղաքային հիվանդանոցի վերակենդանացման բաժանմունքում է։ Առաջին հիվանդանոցում մենք ունենք յոթ մեծահասակ, որոնք տեղափոխել են ծանր վնասվածքներով», - գրել է Ռազվոժաևը։
Նահանգապետն ընդգծել է, որ տուժածներից շատերը, ովքեր թեթև և միջին ծանրության վնասվածքներ են ունեցել, բուժօգնություն են ստացել և տեղափոխվել տուն:
Ուկրաինայի զինված ուժերն այսօր կեսօրին հարձակում են գործել Սևաստոպոլի ուղղությամբ։ Վերջին տվյալներով՝ Ուկրաինայի զինված ուժերի հրթիռային հարձակման հետևանքով տուժել է 124 մարդ, այդ թվում՝ 27 երեխա։ Սևաստոպոլում հունիսի 24-ը սգո օր է հայտարարվել։
ՌԴ Պաշտպանության նախարարության տվյալներով՝ գրոհն իրականացվել է ԱՄՆ-ի կողմից մատակարարված ATACMS հրթիռներով։