ԵՐԵՎԱՆ, 19 հունիսի – Sputnik. ՀՀ անվտանգության խորհրդի քարտուղար Արմեն Գրիգորյանն այսօր աշխատանքային ճաշ է ունեցել Ֆրանսիայի նախագահի խորհրդական Բերտրան Բուխվալտերի և Ֆրանսիայի Եվրոպայի և արտաքին գործերի նախարարության Մայրցամաքային Եվրոպայի վարչության պետ, ԵԱՀԿ Մինսկի խմբի Ֆրանսիայի համանախագահ Բրիս Ռոքֆոյի հետ: Այդ մասին Գրիգորյանը տեղեկացրել է «Ֆեյսբուքի» իր էջում։
«Աշխատանքային ճաշի ընթացքում քննարկել ենք Հայաստան–Ֆրանսիա երկկողմ բազմաոլորտ հարաբերությունների զարգացման ընթացքին վերաբերող օրակարգային հարցեր»,– գրել է ԱԽ քարտուղարը:
Նա նաև նշել է, որ անդրադարձ են կատարել ինչպես երկկողմ` Հայաստան–Ֆրանսիա, այնպես էլ բազմակողմ հարթակներում համագործակցության հեռանկարներին:
Նշենք, որ այս օրերին աշխատանքային այցով Ֆրանսիայում էր գտնվում նաև ՀՀ պաշտպանության նախարար Սուրեն Պապիկյանի գլխավորած պատվիրակությունը։