ԵՐԵՎԱՆ, 15 հունիսի – Sputnik. Երեկ տեղացած հորդառատ անձրևների և հեղեղումների հետևանքով Սյունիքի մարզի Շուռնուխ բնակավայրը հայտնվել է տրանսպորտային մեկուսացման մեջ։ Տեղեկությունը Գորիսի համայնքապետարանը։
«Նորակառույց ճանապարհը, զգալի վնասներ է կրել բնական աղետից: Ճանապարհի ասֆալտե ծածկույթը հեղեղվել է անձրևաջրերի ուժգին հոսքից, իսկ երթևեկելի հատվածներում առաջացել են խոր փոսեր»,– ասված է հաղորդագրության մեջ:
Սյունիքի մարզպետարանն անհրաժեշտ տեխնիկա է տրամադրել մաքրման գործընթացն արագ իրականացնելու համար:
Նախնական կանխատեսումներով` մաքրման աշխատանքները կավարտվեն վաղը, և ճանապարհը կրկին բաց կլինի երթևեկության համար: