ԲՐԻԿՍ երկրների մարզական խաղերում Հայաստանն առաջին մեդալն ունի

ԵՐԵՎԱՆ, 13 հունիսի – Sputnik. ՌԴ Կազան քաղաքում ընթացող ԲՐԻԿՍ երկրների մարզական խաղերում Հայաստանն արդեն մեդալ ունի։ Այս մասին Sputnik Արմենիային հայտնեցին ԿԳՄՍՆ-ից։

Բրոնզե մեդալակիր է դարձել սամբիստ Արթուր Մանուկյանը (64 կգ)։

Այս մարզաձևում Հայաստանը ԲՐԻԿՍ երկրների մարզական խաղերում կներկայացնեն նաև Աննա Այվազյանը (50 կգ), Արփինե Մնացականյանը (54 կգ), Արամ Աղաջանյանը (71 կգ), Արթուր Հակոբյանը (79 կգ), Վահագն Չալյանը (88 կգ), Արսեն Խանջյանը (98 կգ), Դավիթ Հարությունյանը (+98 կգ):

Ի դեպ` Հայաստանը բացի սամբո մարզաձևից, ներկայացուցիչներ ունի նաև կարատե, ուշու, սեղանի թենիս, սպորտային մարմնամարզություն և կոխ մարզաձևերում:

Կարատե մարզաձևում Հայաստանը կներկայացնեն Նարեկ Գասպարյանը (60կգ), Սուրեն Հարությունյանը (67կգ), Ռոբերտ Հովհաննիսյանը (75կգ) , Հայկ Քառյանը (75կգ) և Գոռ Ներսիսյանը (84կգ)։

Նշենք, որ ԲՐԻԿՍ երկրների մարզական խաղերն ընթանում են ՌԴ Կազան քաղաքում հունիսի 12-23-ը։

Ծրագրում ընդգրկված է 27 մարզաձև, որոնց մրցումները կանցկացվեն Կազանում ու Մոսկվայում: Ընդհանուր առմամբ խաղարկվելու է մեդալների 387 հավաքածու: