Հայստանում գնաճը այս տարվա մայիսին` անցած տարվա մայիսի համեմատ կազմել է 0.3 տոկոս, ապրիլին` -0.5։ Այսօր հրավիրված ասուլիսում հայտարարել է ԿԲ նախագահ Մարտին Գալստյանը` դրանով հիմնավորելով ԿԲ խորհրդի որոշումը` վերաֆինանսավորման տոկոսադրույքը ևս 0.25տոկոսով նվազեցնելու վարաբերյալ։
Լրագրողները ԿԲ նախագահից հետաքրքրվել են, թե ինչու գնաճի պաշտոնական վիճակագրությունը չի համընկնում քաղաքացիների արձանագրած իրողությունների հետ, երբ նույնիսկ Հայաստան ժամանած զբոսաշրջիկներն են նկատում, որ մեր երկրում գները թանկանում են։
Ասուլիսի ժամանակ անդրադարձ է եղել նաև աղետի գոտում վնասների հաշվարկին։ Գալստյանը նշել է, որ թվեր դեռ չկան, բայց ակնհայտ է, որ աղետի ծավալները բավականին մեծ են։