ԵՐԵՎԱՆ, 10 հունիսի - Sputnik. Այսօր քարաթափում է տեղի ունեցել Վանաձոր-Ալավերդի ճանապարհին՝ Քոբայրի հայտնի վանքից ոչ հեռու։ Sputnik Արմենիայի հետ զրույցում տեղեկությունը հայտնեց ՆԳՆ մամուլի խոսնակ Նարեկ Սարգսյանը։
Նրա խոսքով՝ քարաթափումը տեղի է ունեցել 18։00-ի սահմաններում։ Քարաթափման հետևանքով ճանապարհը փակվել է։ Դեպքի վայրի ժամանած փրկարարները դուրս են բերել արգելափակված ավտոմեքենաները, յնուհետև հատուկ տեխնիկայի օգնությամբ իրականացվել են քարերի հեռացման, ճանապարհի մաքրման աշխատանքներ։
Նարեկ Սարգսյանի խոսքով՝ հիմա արդեն ճանապարհը երկկողմանի բաց է։
Հավելենք, որ քարաթափման հետևանքով տուժածներ չկան։