ԵՐԵՎԱՆ, 1 հունիսի – Sputnik. «Երևան» պատանեկան սիմֆոնիկ նվագախմբի և «Դանիելյան» արվեստի կենտրոնի սաները Երեխաների պաշտպանության միջազգային օրվա առթիվ այցելել են ՀՀ նախագահի նստավայր։ Տեղեկությունը հայտնում է ՀՀ նախագահի մամուլի ծառայությունը։
Նստավայրի բացօթյա տարածքում ցուցադրվել են պատանիների ստեղծագործությունները, իսկ նվագախումբը ելույթ է ունեցել։
«ՀՀ նախագահ Վահագն Խաչատուրյանը և Ազգային ժողովի նախագահ Ալեն Սիմոնյանը ծանոթացել են ներկայացված աշխատանքներին, շրջել տաղավարներով, ունկնդրել երաժշտական կատարումները և զրուցել երեխաների հետ»,– նշվում է հաղորդագրությունում։
Երեխաների համար ժամանցային միջոցառում է կազմակերպվել, նրանք նաև նվերներ են ստացել։