Վրաստանը բավարարել է միջնորդությունը. հետախուզվող անձը հանձնվել է Հայաստանին

ԵՐԵՎԱՆ, 31 մայիսի – Sputnik. Վրաստանը հետախուզվող Ս.Մ.-ին հանձնել է Հայաստանի իրավասու մարմիններին։ Տեղեկությունը հայտնում է ՀՀ գլխավոր դատախազությունը։

Ս.Մ.-ն մեղադրվում է ապօրինի ձեռք բերած, հրազեն հանդիսացող ինքնաձիգով 2019 թվականի սեպտեմբերի 4-ին շատերի կյանքի համար վտանգավոր եղանակով, դիտավորությամբ ապօրինաբար երկու և ավելի անձանց կյանքից զրկելու փորձի և ՀՀ պահպանվող պետական սահմանը ապօրինի հատելու համար: