ԵՐԵՎԱՆ, 31 մայիսի–Sputnik. Կոսովոյի վարչապետ Ալբին Քուրթին այցելել է Անկարա, որտեղ բանակցություններ է վարել Թուրքիայի նախագահ Ռեջեփ Թայիփ Էրդողանի հետ:
«Մենք քննարկել ենք երկկողմ հարաբերությունները և տնտեսական ու պաշտպանական համագործակցության նոր հնարավորությունները», - նշել է Քուրթին X սոցցանցում:
Նա նաև հայտնել է, որ հունիսի 3–ին տեղի կունենա Կոսովոյի և Թուրքիայի գործարար շրջանակների համար առաջին տնտեսական համաժողովը ՝ կապերը խորացնելու և ներդրումների ծավալը մեծացնելու նպատակով:
Հիշեցնենք, որ Կոսովոն և Թուրքիան այս տարվա հունվարի վերջին ռազմական շրջանակային համաձայնագիր են ստորագրել: