Արտաքին հետախուզության ծառայության ղեկավար Քրիստիննե Գրիգորյանը Ազգային ժողովում լրագրողների հետ ճեպազրույցում հրաժարվել է նշել այն երկրների անունները, որոնք սպառնալիք են Հայաստանի ինքնիշխանության, սուվերենության համար։
«Հայաստանի ինքնիշխանության, սուվերենության համար կան բազմաթիվ սպառնալիքներ, որոնք գալիս են մի քանի երկրներից։ Այդ վտանգները չեզոքացնելու համար Հայաստանի անվտանգության ոլորտում կատարվում են բարեփոխումներ»,-ասել է Գրիգորյանը։
Ըստ պաշտոնյայի՝ հետախուզական տեղեկություններն ու վերլուծությունները միտված են ապահովելու, որ քաղաքականության և քաղաքական որոշումները կայացվեն ծանրակշիռ տվյալների հիման վրա։
Հարցին, թե Ադրբեջանից հարձակման վտանգ կա՞, Գրիգորյանը պատասխանել է, որ միշտ կա, քանի դեռ հարաբերությունները չեն նորմալացել։