Ապրանքների ի՞նչ ծավալ է արտահանվում Ռուսաստան. ՀՀ ֆինանսների նախարարի պարզաբանումը

ԵՐԵՎԱՆ, 29 մայիսի – Sputnik. 2023 թ. Ռուսաստան վերարտահանումն աճել է 76,8%–ով, իսկ հայկական ծագում ունեցող ապրանքների արտահանումը՝ 7,5%–ով։ Այս մասին ՀՀ Ազգային ժողովում «ՀՀ 2023 թ. պետական բյուջեի կատարման մասին» տարեկան հաշվետվության նախնական քննարկումների ժամանակ ասաց ՀՀ ֆինանսների նախարար Վահե Հովհաննիսյանը։

Հարկ է նշել, որ Հայաստանից Ռուսաստան արտահանման ծավալը 2023 թ. աճել է 38,8 %–ով՝ հասնելով մոտ 3 մլրդ 419 մլն դոլարի։

Վերարտահանումը ՀՀ–ից ՌԴ արտահանման մեջ խոշոր հատված է դարձել 2022 թ.–ից հետո։ 2022 թվականին, 2021 թ. hամեմատ, ՀՀ–ից Ռուսաստան արտահանումը աճել է գրեթե երեք անգամ՝ հասնելով մոտ 2 մլրդ 410 մլն դոլարի։