ՀՀ վարչապետն ու նախագահը Հանրապետության տոնի առթիվ պետական պարգևներ են հանձնել

ԵՐԵՎԱՆ, 28 մայիսի – Sputnik․ ՀՀ վարչապետ Նիկոլ Փաշինյանն ու նախագահ Վահագն Խաչատուրյանը Հանրապետության տոնի առթիվ պետական պարգևներ են հանձնել տարբեր ոլորտները ներկայացնող մի խումբ անձանց: Տեղեկությունը հայտնում է կառավարության մամուլի ծառայությունը։

Փաշինյանի որոշմամբ ՀՀ ՆԳՆ փրկարար ծառայության տնօրեն-ներքին գործերի նախարարի տեղակալ, փրկարար ծառայության գնդապետ Կամո Ցուցուլյանին շնորհվել է փրկարար ծառայության գեներալ-մայորի կոչում:

Իրավակարգի և օրինականության ամրապնդման գործում ներդրած ավանդի համար ՀՀ քննչական կոմիտեի նախագահի տեղակալ Արսեն Այվազյանը պարգևատրվել է ՀՀ վարչապետի հուշամեդալով: