Փաստաբանական համայնքը ծայրահեղ քայլի դիմեց հարկային փոփոխությանն անհամաձայնությունը հայտնելու համար։ Պահանջում են չեղարկել փաստաբանների հարկային բեռն ավելացնող օրինագիծը, որի հետևանքով շեշտակի կբարձրանան փաստաբանական ծառայությունների գները։
Հոկտեմբերից փաստաբանները 5%–ի փոխարեն ըստ օրինագծի` պետք է վճարեն 10% շրջանառության հարկ, հաջորդ տարվանից` 18 տոկոս հահութահարկ և 20 տոկոս ավելացված արժեքի հարկ։ Ընդհանուր առմամբ` հարկային բեռն ավելանում է մոտ 38 տոկոսով։
Փաստաբանները հնարավորություն չեն ունենա մատուցել անվճար ծառայություններ։ Բոլորովին վերջերս տեսանք, թե ինչ ծավալի աշխատանք կատարեցին «Հինգ փաստաբանների» նախաձեռնությունն ու նրանց միացած փաստաբանները` հանրահաքների և անհանազանդության ակցիաների ժամանակ բերման ենթարկված հարյուրավոր քաղաքացիների համար։ Նոր օրենքով դա անհնար կլինի։
Փաստաբան, Փաստաբանների պալատի խորհրդի անդամ Կարեն Մեժլումյանի ձևակերպմամբ` իրավաբանական ծառայությունների թանկացման դեպքում մարդիկ հաճախ ստիպված կլինեն հրաժարվել փաստաբանի ծառայությունից` խախտված իրավունքի հետ համակերպվելով։