ԵՐԵՎԱՆ, 21 մայիսի – Sputnik․ Այսօր փորձել են հրկիզել Կապանի համայնքապետ Գևորգ Փարսյանի ավտոմեքենան։ Տեղեկությունը հայտնում է shamshyan.com-ը։
Նշվում է, որ ժամը 19։30-ի սահմաններում ոստիկանություն ահազանգ է ստացվել, որ Կապանի քաղաքապետարանի ու մշակույթի տան մոտ ավտոմեքենա է այրվում։
Ահազանգով դեպքի վայր են մեկնել նաև հրշեջ-փրկարարները, սակայն մինչ նրանց ժամանումը քաղաքացիները մարել են կայանված վիճակում գտնվող «Lexus lx 570» մակնիշի 055 QQ 55 համարանիշի ավտոմեքենայի դիմային հատվածում առաջացած կրակը։
Դեպքի փաստով փաստաթղթեր են նախապատրաստվում։