Շիրակի մարզում բախվել են գնացքն ու կաթ տեղափոխող մեքենան

ԵՐԵՎԱՆ, 20 մայիսի – Sputnik. Այսօր՝ մայիսի 20-ին, ժամը 19:20-ի սահմաններում Շիրակի մարզի Մայիսյան-Հացիկ գյուղերի գյուղամիջյան ճանապարհին բախվել են Գյումրի-Այրում երթուղու 1610 համարի էլեկտրաքարշն ու «Իգիթ կաթնամթերք» գործարանի կաթ տեղափոխող GAZ 53 մակնիշի բեռնատարը։ Տեղեկությունը հայտնում է shamshyan.com–ը։

Ըստ նախնական տեղեկությունների` տուժածներ չկան։ Դեպքի վայր ժամանած բժիշկների հերթապահ խումբը տեղում բուժօգնություն է ցուցաբերել «GAZ 53» -ի վարորդին, ով հրաժարվել է տեղափոխվել հիվանդանոց։

Հրշեջ-փրկարարները հոսանքազրկել են բեռնատարը և իրականացրել հերթապահություն։

Դեպքի փաստով ոստիկանությունում փաստաթղթեր են ձևակերպվում։