Ամռան ամիսներին ԵԱՏՄ երկրներում կորոնավիրուսի նոր մանրէահիմքերով հիվանդացության կտրուկ աճ չի կանխատեսվում, Sputnik Արմենիայի մուլտիմեդիոն կենտրոնում կայացած տեսակամուրջի ժամանակ ասել է Ռուսաստանի գիտությունների ակադեմիայի ակադեմիկոս, Ռուսաստանի կրթության ակադեմիայի նախագահի տեղակալ Գենադի Օնիշչենկոն։
«Covid–ը դարձել է սովորական վարակ։ Նոր մանրէահիմքը դժվար թե կարողանա հիվանդացության աճ առաջացնել։ Բայց որոշակի միտում կարող է լինել»,– ասել է նա։
Վարակի նոր տեսակը` FLiRT-ը հայտնվել է մարտի վերջին և ապրիլի սկզբին սկսել է ակտիվորեն տարածվել։ ԱՀԿ-ն այս ենթաշտամը դասակարգում է ոչ որպես «վտանգավոր», այլ որպես «հետաքրքրություն ներկայացնող», այսինքն՝ այն պահանջում է մեծ ուշադրություն և վերահսկողություն: