Այսօր Երևանի ավագանու նիստում «Մայր Հայաստան» Երևանի ավագանու «Մայր Հայաստան» խմբակցությունը ավագանու նիստում հայտարարել է, որ աջակցում է Բագրատ սրբազանի գլխավորած «Տավուշը հանուն հայրենիքի» շարժմանը։
Ավագանու նիստում «Մայր Հայաստան» խմբակցության ղեկավար Մանուկ Սուքիասյանի ելույթի ժամանակ ամբիոնին են մոտեցան խմբակցության բոլոր անդամները` «Դեմ ենք միակողմանի զիջումներին» գրությամբ պաստառներով։«Ադրբեջանի հետ սահմանազատման աշխատանքների անվան տակ տեղի են ունենում միակողմանի զիջումներ։ Նիկոլ Փաշինյանն ասում է, որ եթե չլինեն այդ զիջումները, կլինի պատերազմ։ Սա ուղղակիորեն սեփական ժողովրդի ահաբեկում է»,-հայտարարել է Մանուկ Սուքիասյանը։
Նրա խոսքով՝ այդ հարցը պետք է լուծվի բացառապես հանրաքվեի միջոցով, որևէ այլ տարբերակը սահմանադրության խախտում է։
Սուքիասյանը հայտարարել է նաև, որ «Մայր Հայաստան» ժողովրդական շարժումն աջակցում է Բագրատ սրբազանի գլխավորած «Տավուշը հանուն հայրենիքի» շարժմանն ու նրա առաջ քաշած պահանջներին։