ԵՐԵՎԱՆ, 13 ապրիլի - Sputnik. Փաստաբան Վարազդատ Հարությունյանն ու նրա հետ ձերբակալված մի խումբ քաղաքացիներ ազատ ն արձակվել
Փաստաբան Վարազդատ Հարությունյանը և ևս մի խումբ քաղաքացիներ, ովքեր առավոտյան Մյասնիկյան պողոտայում բերման են ենթարկվել «Տավուշը հանուն հայրենիքի» շարժման քաղաքացիական անհնազանդության ակցիաների ժամանակ, արդեն ազատության մեջ են: Այս մասին Հարությունյանը հայտնել Է սոցցանցերում։
Առավոտից քաղաքացիական անհնազանդության ակցիաներ են մեկնարկել Երևանի տարբեր փողոցներում։
Ժամը 11:30-ի դրությամբ բերման է ենթարկվել 156 ակտիվիստ:
Հիշեցնենք, որ հայ–ադրբեջանական սահմանազատումից դժգոհ քաղաքացիները տևական ժամանակ ակցիաներ էին անում Տավուշի մարզում։ «Տավուշը հանուն հայրենիքի» շարժման անդամներն ու նրանց կողմնակիցները մայիսի 4-ին որոշեցին Կիրանց գյուղից երթով գալ Երևան։ Մայիսի 9-ին նրանք հասան մայրաքաղաք։ Այդ օրը Հանրապետության հրապարակում հանրահավաք տեղի ունեցավ, և շարժման առաջնորդ Բագրատ սրբազանը ՀՀ վարչապետ Նիկոլ Փաշինյանին մեկ ժամ ժամանակ տվեց հրաժարականի համար, ինչը տեղի չունեցավ։ Դրանից հետո նա կոչ արեց մայիսի 10-ից սկսել անհնազանդության խաղաղ ակցիաներ ամբողջ հանրապետությունում։