ԵՐԵՎԱՆ, 11 մայիսի — Sputnik. Այսօր Ռուսաստանից Գյումրու Սուրբ Աստվածածին «Յոթ Վերք» եկեղեցի է բերվել Աստվածամոր հրաշագործ մեռոնապատ «Չար սրտերի մեղմացում» սրբապատկերը: Գյումրի է բերվել նաև Սուրբ Բարդուղիմեոս առաքյալի մասունքների մի մասնիկով տապանը, որը Հայաստանում մեծարվում է որպես առաջին լուսավորիչ: Այս մասին Sputnik Արմենիային հայտնեց «Սուրբ նահատակ Բոնիֆատիոս» բարեգործական հիմնադրամի նախագահ Նատալյա Մեզենցևան։
«Սուրբ նահատակ Բոնիֆատիոս» բարեգործական հիմնադրամի ներկայացուցիչները Գյումրու Սուրբ Աստվածածին «Յոթ Վերք» եկեղեցում
© Sputnik / Stringer
«Այսօր այս սրբությունները տեղափոխվել են Գյումրու հնագույն տաճար։ Սրբապատկերի առջև մատուցվել է աղոթք: Հավատացյալները նաև խոնարհվել են տապանի առջև՝ Սուրբ Բարդուղիմեոս առաքյալի մասունքների մի մասնիկով: Այնուհետև այս տապանը կուղևորվի Երևան, որտեղ տաճարներից մեկում Հայաստանին կնվիրաբերվի Ռուսաստանից՝ «Սուրբ նահատակ Բոնիֆատիոս» հիմնադրամից՝ բոլոր հավատացյալների, հայ ժողովրդի աղոթքի և օրհնության համար», - ասել է Մեզենցևան։
«Սուրբ նահատակ Բոնիֆատիոս» բարեգործական հիմնադրամի նախագահ Նատալյա Մեզենցևան
Գյումրու Սուրբ Աստվածածին «Յոթ Վերք» եկեղեցուն է նվիրում Աստվածամոր հրաշագործ մեռոնապատ «Չար սրտերի մեղմացում» սրբապատկերը
© Sputnik / Stringer
Հայաստանն աշխարհում առաջին երկիրն է, որը քրիստոնեությունը հռչակել է որպես պետական կրոն։ Հայաստանում քրիստոնեության առաջին քարոզիչները և Հայ առաքելական եկեղեցու հիմնադիրները համարվում են Բարդուղիմեոս և Թադեոս առաքյալները: