ԵՐԵՎԱՆ, 11 մայիսի – Sputnik. Էջմիածնից 6 մարդ է բերման ենթարկվել զենք–զինամթերք պահելու կասկածանքով։ Տեղեկութունը Sputnik Արմենիային հայտնեցին ՀՀ ՆԳՆ լրատվական ծառայությունից։
Նշենք, որ ավելի վաղ Վաղարշապատ խոշորացված համայնքի ավագանու «Էջմիածին» դաշինքի ղեկավար Սևակ Խաչատրյանն իր ֆեյսբուքյան էջում գրել էր, որ սպասվում է Փաշինյանի այցը Էջմիածին։
«8:30-ին «Էջմիածին» դաշինքի անդամներով լինելու ենք էջմիածնի թիվ 7 հիմնական դպրոցի բակում, որպեսզի «սուրճի հրավիրենք» ՔՊ-ի ղեկավար Նիկոլ Փաշինյանին»,–ասվում էր նախապես տարածված հայտարարության մեջ։
«Էջմիածին» դաշինքի ղեկավարը նշել էր, որ իրենց ունեցած տեղեկություններով` այսօր 09:00 Փաշինյանը լինելու է Էջմիածնի թիվ 7 հիմնական դպրոցում: