ԵՐԵՎԱՆ, 8 մայիսի – Sputnik. ԵԱՏՄ–ում ամենամեծ ու կարևորը ձեռքբերումն այն է, որ անդամ պետությունների ղեկավարները սկսել են ավելի լավ լսել ու հասկանալ միմյանց։ ԵԱՏՄ բարձրագույն խորհրդի ընդլայնված նիստի ժամանակ հայտարարեց Բելառուսի նախագահ Ալեքսանդր Լուկաշենկոն։
«Արևմտյան պատժամիջոցների ֆոնին կարևոր է արագ, անհետաձգելի որոշումների կայացումը։ Ընդհանուր առմամբ, միության անդամ երկրների ղեկավարները կարողանում են կայացնել օպերատիվ որոշումներ, սակայն դրանք, ցավոք, ոչ միշտ են արագ իրականացվում։ Նշենք, որ դա ազդում է մեր ֆինանսական հոսքերի ու 3–րդ երկրների հետ մեր մրցակցության վրա»,– ընդգծեց Լուկաշենկոն։
Բացի այդ, նա ընդգծեց, որ ԵԱՏՄ երկրները չպետք է միմյանց նկատմամբ արգելքներ ստեղծեն պետական գնումների շուկաներում, որոնց ընդհանուր ծավալը կազմում է գրեթե 200 մլրդ դոլար։
«Պետգնումներին փոխադարձ մասնակցության հարցը հրատապ լուծում է պահանջում։ Այն սերտորեն կապված է տեխնոլոգիական անկախության հետ: Մեծ հաշվով, դա մեր անվտանգությունն է»,– նկատեց նա։
Այդ առումով, ըստ լուկաշենկոյի, էլեկտրոնային ստորագրությունների փոխադարձ ճանաչման անհրաժեշտությունը ԵԱՏՄ–ում կհեշտացնի և՛ բիզնես շփումները, և՛ մասնակցությունը պետական գնումների շուկաներում:
«Բոլոր սկզբունքային պայմանավորվածություններն արդեն ձեռք են բերվել։ Սա ոչ թե քաղաքական, այլ տեխնիկական հարց է, բայց հաճախ դա հենց այն հարցն է դառնում, որ հաճախ անհաղթահարելի խոչընդոտ է լինում նշված գործընթացներին բիզնեսի մասնակցության համար։ Անհրաժեշտ եմ համարում մոտ ժամանակներս ավարտել այդ աշխատանքը»,– հայտարարեց Բելառուսի նախագահը։
Նա նաև նշեց, որ ինտենսիվ աշխատանքների արդյունքում միության անդամ երկրները կարողացել են մտնել ուղենշված 2020-2025 թթ ռազմավարության իրականացման եզրափակիչ փուլ։
Հավելենք, որ ԵԱՏՄ-ին անդամակցում է հինգ պետություն` Հայաստանը, Բելառուսը, Ղազախստանը, Ղրղզստանն ու Ռուսաստանը։