ԵՐԵՎԱՆ, 4 մայիսի – Sputnik. Ողջաբերդ գետի հենապատի փլուզման հետևանքով Երևանի Նոր Արեշ թաղամասի 50-րդ փողոցի մոտակայքում տներ ու փողոցներ են հեղեղվել։ Տեղեկությունը հայտնում է ՆԳՆ փրկարար ծառայությունը։
Ճգնաժամային կառավարման ազգային կենտրոնը հենապատի փլուզման մասին ահազանգը ստացել է մայիսի 4-ին` ժամը 00:00-ին։
Դեպքի վայր է մեկնել ՆԳՆ ՓԾ փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի փրկարարական խումբը։
Փրկարարները քաղաքապետարանի տրամադրած հատուկ տեխնիկայի (տրակտոր) օգնությամբ իրականացնում են ջրանցքի հունի մաքրման աշխատանքներ։
