ԵՐԵՎԱՆ, 4 մայիսի – Sputnik. Ուժեղ կարկտահարություն է դիտվել Արմավիրի մարզի Նոր Արտագերս և մի շարք այլ գյուղերում։ Տեղեկությունը «Ֆեյսբուքի» իր էջում հայտնել է Հիդրոօդերևութաբանության և մոնիտորինգի կենտրոնի փոխտնօրեն Գագիկ Սուրենյանը և տեսանյութ հրապարակել։
Տեսանյութում երևում է, որ գյուղի փողոցները կարկուտով են պատվել։
Նրա գրառման մեկնաբանություններում օգտատերերը նշել են, որ նույն իրավիճակը եղել է նաև Արմավիրի Վանանդ, Տանձուտ գյուղերում, Արմավիր քաղաքում, ինչպես նաև Արագածոտնի մարզի Օհանավան, Սաղմոսավան, Կաթնաղբյուր գյուղերում, Ամբերդից դեպի Բյուրական ճանապարհին և
Օգտատերերը բազմաթիվ մեկնաբանություններ են գրել, որտեղ «մեղադրում են» Սուրենյանին` «Բա ինչի՞ նախօրոք չասեցիր սրա մասին։ Վերջն անձրևով չբավարարվեցիր, կարկուտ բերեցիր գլխներիս», «Գագ ջան, կերար մեզ, կերա՜ր»։
Շատերն էլ մտահոգություն են հայտնել. «Խեղճ գյուղացի, գոնե փոխհատուցեն», «Բերքն էլ վնասվեց, խեղճ ժողովուրդ»։
Հիշեցնենք` այս գիշեր հորդառատ անձրևների հետևանքով տեղի են ունեցել հեղեղումներ, փլուզումներ և ջրալցումներ` փլուզվել է Ողջաբերդ գետի հենապատը, Նոր Արեշ թաղամասում տներ ու փողոցներ են հեղեղվել։