Ավելի քան 24 ժամ է, փակ են Կիրանց գյւղի մուտքերը, ինչպես նաև՝ Իջևան-Կիրանց ավտոճանապարհը։ Ոստիկանները թույլ չեն տալիս Կիրանց մուտք գործել Հայ առաքելական եկեղեցու Տավուշի թեմի առաջնորդ Բագրատ արքեպիսկոպոս Գալստանյանին, Ազգային ժողովի «Հայաստան» խմբակցության անդամ Գառնիկ Դանիելյանին և քաղաքագետ Սուրեն Պետրոսյանին։
Կիրանց մտնելու իրավունք ունեն միայն գյուղի բնակիչները։ Ազգային ժողովի «Հայաստան» խմբակցության անդամ Գառնիկ Դանիելյանին վրդովվեցրել է ոստիկանների պահվածքը։
«Ձեր մասին խոսելու են որպես հայրենիքի հանձնման մասնակից ու հանցակից։ Մարդկանց խոշտանգելուց հետո ուրախ, զվարթ, ոնց որ Արցախը կա, էս տարածքներն անվտանգ են, Կիրանցը չեն հանձնում, համբուրում, գրկախառնվում են, մեկը մյուսին աչքալուսանք են տալիս։ Բա վաղը, մյուս օր ո՞նց են իրենց երեխեքի աչքերին նայելու։»,-ոստիկաններին ասել է Դանիելյանը։