ԵՐԵՎԱՆ, 30 ապրիլի – Sputnik. Լծեն-Տաթև ավտոճանապարհը սողանքի պատճառով միակողմանի փակվել է։ Տեղեկությունը հայտնում է ՆԳՆ փրկարար ծառայությունը։
Սյունիքի մարզային փրկարարական վարչության ճգնաժամային կառավարման կենտրոնը սողանքի մասին ահազանգը ստացել է ապրիլի 30-ին` ժամը 10։26-ին։
Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատի օպերատիվ խումբը։
Փրկարարները սահմանազատել են տարածքը․ տեղում իրականացվում են մաքրման աշխատանքներ։