ԵՐԵՎԱՆ, 30 ապրիլի – Sputnik. ԱՄՆ-ի ռազմաօդային ուժերին անհապաղ արդիականացում է անհրաժեշտ ՉԺՀ-ի ռազմական հնարավորություններից հետ չմնալու համար։ Այս հայտարարությունն արել է ԱՄՆ-ի ռազմաօդային ուժերի նախարար Ֆրենկ Քենդալը:
«Ռազմաօդային ուժերին անհրաժեշտ է հզորությունների անհապաղ և զգալի արդիականացում` ՉԺՀ-ի աճող ռազմական հնարավորությունների տեմպից հետ չմնալու համար», - հայտնել է նա ԱՄՆ Ներկայացուցիչների պալատում կայացած լսումների ժամանակ:
Քենդալի տվյալներով՝ ԱՄՆ-ի ռազմաօդային ուժերի պաշտպանական ծախսերի աճի ներկայիս տեմպերը զիջում են Չինաստանի պաշտպանական բյուջեի աճի տեմպին։