Երևանում կան մասնավոր խուզարկուներ։ Անհավատարիմ ամուսիններին թող այս փաստը չմտահոգի, քանի որ Հայաստանում դետեկտիվներն իրավունք չունեն խախտել անձնական կյանքի գաղտնիությունն ու հետևել անհավատարիմ կնոջը կամ ամուսնուն։
Ոլորտը նոր է մեր երկրում և առայժմ չկա նաև օրենսդրական համապատասխան դաշտ, բայց մասնավոր դետեկտիվները գործ ունեն։ 2021 թվականին է Հայաստանում հիմնադրվել առաջին ու միակ մասնավոր խուզարկուի գրասենյակը` «Գաբրիելյան ընդ փարթներս» դետեկտիվ բյուրոն», որի հիմնադիր-ղեկավարն է ոստիկանության փոխգնդապետ Հայկ Գաբրիելյանը։