Հայ առաքելական եկեղեցու սպասավորները, թեմակալ առաջնորդներն այսօր իրենց համայնքների բնակիչների հետ փորձում են պահել հայրենի գյուղերի սահմանները, որոնք նրանց հայրերն ու պապերը սեփական արյամբ են գծել. իշխանությունը պնդում է, որ դրանք օտարինն են ու վերդարձնում է Ադրբեջանին։ Հոգևոր հայրերը հորդորում են չընդունել օրենքներ, որոնք խարխլում են ընտանիքը. իշխանությունը օրենքով պաշտպանության տակ է առնում զուգընկերներին։
Դարեր ի վեր, հայ ժողովրդի համար օրհասական պահերին եկեղեցին կանգնած է եղել ժողովրդի կողքին, պետականության բացակայության պայմաններում հոգևոր հայրերն են ստանձնել առաջնորդությունը։
Պատմական գիտությունների թեկնածու Արման Մալոյանը վիրավորական է որակում եկեղեցու հանդեպ իշխանության վերաբերմունքը։ Նրա կարծիքով` իշխանությունը, կարծես ամեն կարպ աշխատում է անջրպետ առաջացնել եկեղեցու և ժողովրդի միջև։