ԵՐԵՎԱՆ, 26 ապրիլի – Sputnik. Տավուշում տարածքների կորուստը Ռուսաստանի հետ Հայաստանի հարաբերությունների վատթարացման ուղղակի արդյունքն է։ Sputnik Արմենիա մուլտիմեդիոն մամուլի կենտրոնում այսպիսի կարծիք հայտնեց «Ուժեղ Հայաստան Ռուսաստանի հետ. Հանուն նոր միության» շարժման համակարգող, «Սահմանադրական իրավունք միություն» կուսակցության նախագահ Հայկ Բաբուխանյանը:
«Տավուշում 4 գյուղերի հանձնումը հայ-ռուսական հարաբերությունների ճգնաժամի անմիջական արդյունքն է ։ Ինչպես և Արցախի, Սև լճի կորուստըը։ Ինչպես և մեր կորուստները ռազմի դաշտում։ Այս ամենը ճգնաժամի արդյունք է, որը ստեղծվել է ոչ թե ժողովրդի, այլ արևմտյան ու թուրքական գործակալների կողմից, որոնք նպատակ են դրել վերջնականապես ոչնչացնել և թաղել Հայաստանը», - ընդգծում է քաղաքական գործիչը ։
Նրա կարծիքով՝ ռուս-հայկական հարաբերություններում վերջին 200 տարվա ընթացքում ավելի բարդ, ճգնաժամային իրավիճակ չի եղել։ Բաբուխանյանը նկատում է, որ Ռուսաստանի և Հայաստանի ժողովուրդները 200 տարի շարունակ միասին են եղել։ Սկզբում մենք միացանք Ռուսական կայսրությանը և փրկվեցինք Արևելյան Հայաստանում, այնուհետև եղավ Խորհրդային Միությունը։ Իսկ անկախացումից հետո՝ Երրորդ հանրապետության ժամանակաշրջանում, դինամիկ զարգանում էին ռուս-հայկական դաշնակցային հարաբերությունները ։
«Ռուսաստանի հետ միասին հայերը հաղթող ժողովրդի փառք նվաճեցին։ Մեր օրերում սադրիչները Հայաստանում ասում են՝ «դա ստալինյան ռեժիմ էր» և «ինչի՞ համար էր այդքան զոհը» ։ Բայց մենք պետք է անընդհատ հիշեցնենք հայերի հաղթական պատմության մասին, դա պետք է նոր երևույթ դառնա մեր քաղաքական կյանքում։ Մեծ Հաղթանակը ոչ միայն պատմություն է, այլև ճակատագրական իրադարձություն հայ ժողովրդի պատմության մեջ: Եթե չլիներ այդ հաղթանակը, ես խիստ կասկածում եմ, որ կլինեին Հայաստանն ու հայ ժողովուրդը։ Միայն Կարմիր բանակի և մեր ժողովրդի մեծ ներդրման շնորհիվ՝ ոչ միայն Ստալինգրադի ճակատամարտում, այլև Երկրորդ համաշխարհային պատերազմի ողջ ընթացքում, մենք կարողացանք գոյատևել որպես Երկրորդ Հանրապետություն», - ասում է կուսակցության ղեկավարը:
Նշելով, որ քաղաքակրթական առումով հայ ժողովուրդը միշտ մոտ է եղել ռուս ժողովրդին, քաղաքական գործիչը համոզմունք հայտնեց, որ հայ ժողովրդի ճնշող մեծամասնությունը երախտագիտությամբ է հիշում պատմությունը և իր ապագան տեսնում է Ռուսաստանի հետ դաշնակցային հարաբերություններում:
Բաբուխանյանը նաև խոսել է ապրիլի 27-ին Երևանում սպասվող «Ընդհանուր հաղթանակ, ընդհանուր ճակատագիր» համաժողովի մասին, որը նվիրված է գալիք Հաղթանակի տոնին և ներկա փուլում հայ-ռուսական հարաբերությունների վիճակին: