ՄԱԿ-ի Արդարադատության միջազգային դատարանում ապրիլի 15-ից 19-ը կայացան Ռասայական խտրականության բոլոր ձևերի վերացման մասին միջազգային կոնվենցիայի շրջանակում քննվող Հայաստանն ընդդեմ Ադրբեջանի դատական գործով բանավոր լսումները։
Ադրբեջանի փոխարտգործնախարար Էլնուր Մամեդովը, լսումների ժամանակ հայտարարել էր, որ Ադրբեջանը Հայաստանին է վերադարձրել բոլոր կալանավորված զինվորականներին, բացառությամբ ծանր հանցագործություններ՝ սպանություններ, խոշտանգումներ, ահաբեկչություն և անջատողականություն կատարածների։
«Ադրբեջանի փոխարտգործնախարար Էլնուր Մամեդովի ելույթը Արդարադատության միջազգային դատարանում մեղմ ասած` կոռեկտ չէր»,-Sputnik Արմենիայի հետ զրույցում ասել է Միջազգային և համեմատական իրավունքի կենտրոնի նախագահ Սիրանուշ Սահակյանը` հիշեցնելով, որ Բաքվում անօրինական պահվող հայ պատանդների շարքում դեռ կան մարդիկ, ում մեղքը նույնիսկ Ադրբեջանի դատական համակարգի կողից դեռ ապացուցված չէ։
Ըստ իրավապաշտպանի՝ հանրության համար սրանք կարող են համոզիչ ելույթներ լինել, սակայն, դատավորները կաշկանդված են լինելու փաստերով և ապացույցներով։