Քաղաքային իշխանությունները մտադիր են արգելել հանրային տրանսպորտի վարորդներին առնչություն ունենալ ուղևորների մետաղադրամները մանրելու գործին։
Մինչ օրս վարորդները շատ հաճախ մանրում են ուղևորների մեկնած 200 դրամանոցները, կամ թղթադրամները, տալով նրանց 100 դրամանոցներ, որպեսզի ուղևորները կարողանան գցել դրանք համապատասխան արկղիկում։ Կասկածներ կան, որ վարորդներից ոմանք ուղղակի գրպանում են ուղևորի տված մանրադրամները։
«Վարորդները պետք է զբաղվեն իրենց բուն գործառույթով, և մանրը վերադարձնելը չպետք է լինի նրանց աշխատանքի մասը »,-Sputnik Արմենիային հետ զրույցում ընդգծել է Երևանի քաղաքապետի մամուլի քարտուղար Հայկ Կոստանյանը։