ԵՐԵՎԱՆ, 20 ապրիլի – Sputnik. Ռուսաստանի հակաօդային պաշտպանության միջոցները խոցել են մեկ ուկրաինական Սու-25 ինքնաթիռ, 213 ԱԹՍ, ֆրանսիական արտադրության 5 կառավարվող AASM Hammer ավիառումբ։ Տեղեկությունը հայտնում է Ռուսաստանի պաշտպանության նախարարությունը։
ՌԴ զինվորականները խոցել են նաև ուկրաինական օդուժի ավիավառելիքի պահեստարաններից մեկը։
«Խոցվել է Ուկրաինայի օդային ուժերի ավիացիոն վառելիքի պահեստարանը, ռազմական նպատակներով օգտագործվող տրանսպորտային ենթակառուցվածքի երկու օբյեկտ, ինչպես նաև Ուկրաինայի զինված ուժերի կենդանի ուժ և ռազմական տեխնիկա 112 շրջաններում»,-ասված է ռազմական գերատեսչության ամփոփագրում:
Ռազմական հատուկ գործողության մեկնարկից ի վեր ոչնչացվել է 591 ուկրաինական ռազմական ինքնաթիռ, 270 ուղղաթիռ, 22 095 անօդաչու թռչող սարք, 506 զենիթահրթիռային համալիր, 15 812 տանկ և այլ մարտական զրահապատ մեքենաներ, համազարկային կրակի ռեակտիվ համակարգերի 1267 մարտական մեքենա, 8991 դաշտային հրետանի և ականանետներ, ինչպես նաև 21 183 միավոր հատուկ ռազմական ավտոմոբիլային տեխնիկա: