Վարչապետ Նիկոլ Փաշինյանը ապրիլի 17-ին այցելել էր Տավուշի մարզ: Փաշինյանը եղել էր Ոսկեպար, Կիրանց և Բերքաբեր բնակավայրերում՝ տեղի բնակիչներին ներկայացրել Ադրբեջանի հետ խաղաղության՝ ներառյալ սահմանազատման գործընթացում առկա իրավիճակը։
«Մեր մտածածն էն ա, որ ոչ թե դուք ասեք՝ «վայ, 50 մետր էն կողմ Ադրբեջանն ա», այլ ասեք՝ «վայ, ինչ լավ ա, որ 50 մետր էն կողմ Ադրբեջանն ա, մենք էնտեղ առևտուր կանենք, մենք էնտեղ տնտեսություն կկառուցենք, կարող ա՝ մի հատ էլ անցակետ կառուցենք, ավտոներ գնան-գան, վճարեն Հայաստանի Հանրապետությանը»,-Կիրանցի բնակիչների հետ հանդիպմանն ասել էր Փաշինյանը։
Հայաստանի պետական տնտեսագիտական համալսարանի տնտեսագիտության տեսության ամբիոնի դոցենտ Ատոմ Մարգարյանը Sputnik Արմենիայի հետ զրույցում անհասկանալի է որակել Փաշինյանի հայտարարությունը, նշելով, որ ադրբեջանցիները ոչ թե հակված են հայերի հետ առևտրի, այլ սպառնալիք են նրանց համար։
Ատոմ Մարգարյանի դիտարկմամբ` նման կերպ փորձ է արվում գյուղացի մարդուն շեղել իրական վտանգներից։