Հիդրոօդերևութաբանության և մոնիտորինգի կենտրոնը ներկայացրել է Սևանա լճի մակարդակի անցած 11 տարիների փոփոխությունների տվյալները. առավելագույն մակարդակը գրանցվել է 2017 թվականին, իսկ նվազագույնը՝ 2013 թվականին:
Այս տարվա առաջին երեք ամիսների ցուցանիշները նույնական են 2012 թվականի նույն ժամանակահատվածի ցուցանիշների հետ։
Սևանա լճի մակարդակը 2023-2024 թվականներին (հունվարի 1-ից ապրիլի 10-ի դրությամբ)
© Sputnik / Vahram Mkrtchyan
Նշենք, որ լճի մակարդակի իջեցման մասին առաջին անգամ խոսվել է 20-րդ դարի 30-ական թվականներին։ 1933 թվականին որոշում է կայացվել լճից ջուր վերցնել հիդրոէլեկտրակայանի ապահովման համար։
Հրազդան գետի հունը լայնացել է, 40 մետր խորության վրա ջրի բացթողնման թունել է անցկացվել։ Այդ ժամանակից ի վեր լճի մակարդակը տարեկան մեկ մետրով նվազել է։ 1916 մետրից (1933-ին) այն հասել է 1898 մետրի (1964-ին): Լճի մակարդակի իջեցման հերթական ալիքը սկսվել է 2017 թվականին և շարունակվում է մինչ օրս: Միևնույն ժամանակ, լճի մակարդակի իջեցումը դրա ճահճացման հիմնական պատճառներից մեկն է: