ԵՐԵՎԱՆ, 10 ապրիլի – Sputnik. Լեռնային Ղարաբաղին արգելել են Ադրբեջանի հետ հանդիպել եվրոպական հարթակներում։ Ազգային ժողովում այս հայտարարությունն արեց ՀՀ վարչապետ Նիկոլ Փաշինյանը։
«Եղել է հնարավորություն եվրոպական հարթակներում սկսել խոսակցություն Ադրբեջանի հետ, սակայն Լեռնային Ղարաբաղը չի գնացել, որովհետև արգելել են։ Արգելել են, դա ես չեմ եղել, չէի կարող․․․»,- ԱԺ-ում հայտարարեց Փաշինյանը՝ չպարզաբանելով, թե ովքեր են եղել արգելողները։
Հիշեցնենք` անցյալ տարի մի քանի անգամ քննարկվեց Լեռնային Ղարաբաղի և Ադրբեջանի ներկայացուցիչների հանդիպման հնարավորությունը, այդպիսի հանդիպումներից մեկը պետք է տեղի ունենար Բրատիսլավայում: Բայց այն չկայացավ, Ստեփանակերտից ավելի ուշ հայտարարեցին, որ պատճառը ղարաբաղյան կողմի դիրքորոշումը չէր, իրենք միշտ պատրաստ են քննարկել ադրբեջանական կողմի հետ հանդիպումներ կազմակերպելու ողջամիտ առաջարկները։