«Ինտերի» մարզիչը կրկին գովել է Հենրիխ Մխիթարյանին. իտալական ԶԼՄ – ների արձագանքը

ԵՐԵՎԱՆ,10 ապրիլի – Sputnik. «Ինտերի» գլխավոր մարզիչ Սիմոնե Ինձագին հերթական անգամ բարձր է գնահատել Հայաստանի հավաքականի նախկին ավագ և «Ինտերի» կիսապաշտպան Հենրիխ Մխիթարյանի խաղը՝ այս անգամ «Ուդինեզեի» նկատմամբ տարած հաղթանակից հետո: Դավիդե Ֆրատտեսիի գոլը խաղի վերջին րոպեներին օգնեց «Ինտերին» հաղթանակ կորզել (2:1): Այժմ առաջնությունը կրկին նվաճելու համար թիմին անհրաժեշտ է 7 խաղում վաստակել ընդամենը 8 միավոր, այսինքն` տիտղոսը կարելի է ապահովված համարել:

Eurosport-ի վարկածով Հենրիխ Մխիթարյանը ճանաչվել է հանդիպման լավագույն ֆուտբոլիստ:

Ինչպես նշում է իտալական ezdni One Football-ը, Մխիթարյանը նաև մեծ ծավալի աշխատանք է կատարել հարձակման գծում՝ ստեղծելով երկու իրական գոլային պահեԼաուտարո Մարտինեսի և Դիմարկոյի համար:

Նա շատ փոխանցումներ է կատարել դաշտի կենտրոնից դեպի հարձակում, ընդ որում` հարձակման գծի համար նրա ճշգրտությունը շատ բարձր է եղել (93%)։

Բացի այդ, չնայած տարիքին, Մխիթարյանն աչքի է ընկել մեծ շարժունակությամբ և լավ վազքով։