ԵՐԵՎԱՆ, 10 ապրիլի – Sputnik. «Արմավիր» քրեակատարողական հիմնարկ հանձնուք բերած տաքսու վարորդը ձերբակալվել է։ Տեղեկությունը հայտնում է ՀՀ արդարադատության նախարարության քրեակատարողական ծառայությունը։
ՔԿՀ ծառայողները օպերատիվ տեղեկություններ են ստացել և խուզարկել կալանավորված Մ․Ն․-ի անունով բերված հանձնուքը։
«Հանձնուքում եղած թթվի միջից ծառայողները հայտնաբերել են պոլիէթիլենային տոպրակով առանձնացված, թմրամիջոցի նմանվող, սուր հոտով, անգույն հեղուկ։ Տաքսու վարորդ Գ․Գ․-ն ձերբակալվել է»,- ասված է հաղորդագրությունում։
Նա ներկայացվել է ՀՀ ՔԿ Արմավիրի մարզային քննչական վարչության Վաղարշապատի քննչական բաժին։