ԵՐԵՎԱՆ, 9 ապրիլի – Sputnik. ՀՀ–ում կուժեղացնեն վերահսկողությունը անասունների անվերահսկելի թաղումների դեմ։ Այս մասին ՀՀ ԱԺ–ում հայտարարեց ՀՀ էկոնոմիկայի փոխնախարար Տաթևիկ Սարգսյանը՝ ներկայացնելով «Անասնաբուժության մասին» ՀՀ օրենքում փոփոխությունների նախագիծը։ Նրա խոսքով՝ այժմ օրենսդրության մեջ չի արձանագրվել, թե ինչ խախտումների դեպքում սպանդանոցները ենթակա կլինեն փակման։
Հետևաբար, եթե անբարեխիղճ բիզնեսը անասունների դիակների մնացորդները թաղում է սահմանված վայրում կամ կատարում է սանիտարական այլ խախտումներ, պետությունը չի կարող արգելել դրա աշխատանքը:
Փոխնախարարի խոսքով` փոփոխությունների նախագծով ծանր խախտումների դեպքում կփակվեն սպանդանոցները, իսկ ոչ ծանր խախտումների դեպքում՝ ավելի խիստ վերահսկվեն։
Բացի այդ, նա նշեց, որ նախարարությունը քննարկում է սպանդանոցներին աջակցության արտոնությունների հնարավորությունը։ Մասնավորապես, այժմ ֆերմերային արտադրանքի գնումներում ԱԱՀ–ի դուրսգրում նախատեսված չէ, ուստի բիզնեսը ստիպված է ԱԱՀ–ն ներառել ապրանքի գնի մեջ։
Եթե սպանդանոցները համաձայնեն ԱԱՀ ռեժիմով աշխատել, կառավարությունը կթույլատրի այն դուրս գրել 15 տոկոսի չափով։ Փոխնախարարի խոսքով՝ նման որոշման նախագիծ կներկայացվի կառավարության առաջիկա նիստերից մեկին։
Նշենք, որ այժմ ՀՀ–ում գործում է 62 սպանդանոց, իսկ 2020 թ. գործող կարգի համաձայն՝ երկրում վաճառվող ամբողջ միսը պետք է մատակարարվի սպանդանոցներից: