ԵՐԵՎԱՆ, 8 ապրիլի — Sputnik. Վրաստանի «Ժողովրդի ուժը» կուսակցության առաջնորդ Գուրամ Մաչարաշվիլին երկրի նախագահ Սալոմե Զուրաբիշվիլիին համեմատել է արդուկի հետ, որը մոռացել են անջատել: Նրա խոսքերը փոխանցում է Sputnik Գրուզիան։
«Ինչպես երեխային չի կարելի լուցկի տալ կամ միացրած թողնել արդուկը, այնպես էլ չի կարելի նախագահին արտասահման թողնել։ Այդ մարդը պայթուցիկ նյութ է», — հայտարարել է Մաչարաշվիլին։
Պատգամավորը կարծում է, որ եթե նախագահին արգելեն այցելել այլ երկրներ, դա օգուտ կբերի ինչպես Վրաստանին, այնպես էլ հենց Զուրաբիշվիլիին:
«Հասկանալի է, որ նրան Վրաստանը չի հետաքրքրում։ Բայց որքան քիչ հարվածներ ստանա Վրաստանը, իսկ հետո նաև ձևական նախագահը, այնքան լավ»,– ասել է Մաչարաշվիլին։
Ավելի վաղ երկրի կառավարությունն արգելել էր Սալոմե Զուրաբիշվիլիին աշխատանքային այցով մեկնել Մերձբալթյան երկրներ մեկնել: