ԵՐԵՎԱՆ, 7 ապրիլի – Sputnik. Հայտնի կոմպոզիտոր Ռոբերտ Ամիրխանյանը, Հայաստանի ազգային ֆիլհարմոնիկ նվագախմբի գեղարվեստական ղեկավար և գլխավոր դիրիժոր Էդուարդ Թոփչյանը, նվագախմբի տնօրեն Նորայր Նազարյանը Մայրության և գեղեցկության տոնին ընդառաջ հյուրընկալվել են ՀՀ ՊՆ զորամասերից մեկում, հայտնում են ՊՆ-ից։
Այցը կայացել է բանակ-հասարակություն կապի ամրապնդմանն ուղղված միջոցառումների շրջանակում։
Արվեստագետները զորամասերից մեկում շնորհավորել են կին զինծառայողներին
© Photo : press office of MoD of RA
«Արվեստագետները շնորհավորել են կին զինծառայողներին, մաղթել բարի ծառայություն և վստահություն հայտնել, որ կանայք զինված ուժերում իրենց ներկայությամբ դրական օրինակ և խթան են հանդիսանում մյուսների համար։ Հյուրերն ընդգծել են՝ նրանք նպաստում են բանակի մարտունակության ամրապնդմանը, առավել նվիրված և համախմբված ծառայության կազմակերպմանը»,- ասված է հաղորդագրությունում։
Հանդիպման ավարտին Ռոբերտ Ամիրխանյանը զինծառայողների համար կատարել է Հայաստանի Հանրապետության զինված ուժերի օրհներգը՝ «Երազի իմ երկիր հայրենի»։ Նա նաև պարել է կին զինծառայողներից մեկի հետ։
Միջոցառման ընթացքում կանանց նաև պատվոգրեր են շնորհվել։
1 / 3
Արվեստագետները զորամասերից մեկում շնորհավորել են կին զինծառայողներին
© Photo : press office of MoD of RA
