ՄԱԿ–ի ԱԽ–ն Իրանի հյուպատոսությանը հասցված իսրայելական հարվածի հարցով նիստ կանցկացնի

ԵՐԵՎԱՆ, 2 ապրիլի – Sputnik. ՄԱԿ–ի ԱԽ–ն Դամասկոսում Իրանի հյուպատոսությանը հասցված իսրայելական հարվածի հարցով նիստ կանցկացնի ապրիլի 2-ին: Այս մասին հայտնել է ՄԱԿ-ում ՌԴ մշտական ներկայացուցչի առաջին տեղակալ Դմիտրի Պոլյանսկին Telegram-յան ալիքում։

Նիստը կսկսվի Երևանի ժամանակով 23:00-ին։

Հիշեցնենք` ապրիլի 1-ին ԶԼՄ–ները հայտնեցին, որ Իսրայելը հարվածել է Դամասկոսում (Սիրիա) Իրանի հյուպատոսությանը: Հարվածի հետևանքով կան զոհեր և վիրավորներ։ Զոհվածների թվում են Սիրիայում և Լիբանանում «Քուդս» ուժերի հրամանատար, բրիգադային գեներալ Մոհամմադ Ռեզա Զահեդին և Իսլամական հեղափոխության պահապանների կորպուսի (ԻՀՊԿ) գեներալ Մոհամմադ Հադի Հաջի Ռահիմին: