Թուրքիայի` իշխող «Արդարություն և զարգացում» կուսակցությունը պարտվել է երկրում կիրակի օրը անցկացված տեղական ինքնակառավարման մարմինների ընտրություններում։
Երկրի նախագահ Ռեջեփ Թայիփ Էրդողանը խոստովանել է, որ իր գլխավորած կուսակցությունը չի կարողացել ցանկալի արդյունքների հասնել ՏԻՄ ընտրություններում։ Ընդդիմադիր «Ժողովրդահանրապետական» կուսակցությունը վերջին 20 տարվա մեջ առաջին անգամ շրջանցել է իշխող «Արդարություն և զարգացում» կուսակցությանը ձայների գրեթե 90 տոկոսը հաշվարկելուց հետո:
Ընդդիմությունը հաղթել է Թուրքիայի բոլոր խոշոր քաղաքներում` այդ թվում Անկարայում, Ստամբուլում, Անթալիայում, Բուրսայում և Իզմիրում։ Էրդողանը հայտարարել է, որ «Արդարություն ու զարգացում» կուսակցությունը կանի անհրաժեշտ հետևություններ, կվերլուծի տեղի ունեցածը և կուղղի թույլ տված սխալները։
«Նույնիսկ Թուրքիայի իշխող ուժի համար էր անսպասելի ընդդիմության հաղթանակը ՏԻՄ ընտրություններում»,-մեկնաբանելով Թուրքիայի ՏԻՄ ընտրությունների արդյունքները, Sputnik Արմենիայի եթերում ասել է թուրքագետ Նելլի Մինասյանը։