ԵՐԵՎԱՆ, 1 ապրիլի – Sputnik. Դամասկոսում Իրանի դեսպանությանը իսրայելական օդուժի հարվածի հետևանքով զոհվել է նաև ԻՀՊԿ գեներալ Մոհամմադ Հադի Հաջի Ռահիմինը։ Տեղեկությունը հայտնում է Tasnim գործակալությունը։
Ավելի վաղ հայտնել էինք, որ Իսրայելը հրթիռային հարված է հասցրել Դամասկոսում Իրանի դեսպանատան մոտ գտնվող շենքին, երկու մարդ է զոհվել։ Դիվանագիտական առաքելության շենքը նույնպես վնասվել է։
Ավելի ուշ հայտնի դարձավ, որ Սիրիայում Իրանի Իսլամական հեղափոխության պահապանների կորպուսի (ԻՀՊԿ, ԶՈւ էլիտար ստորաբաժանում) ռազմական խորհրդական, բրիգադային գեներալ Մոհամմադ Ռեզա Զահեդին զոհվել է Դամասկոսում Իրանի գլխավոր հյուպատոսության վրա իսրայելական օդուժի հարձակման հետևանքով։
Դամասկոսում Իրանի հյուպատոսության վրա Իսրայելի օդային հարվածից հետո Սիրիայում Իրանի դեսպան Հոսեյն Աքբարին լրագրողներին ասել է, որ Իսրայելը խախտում է միջազգային օրենքները,ուստի Իրանը վճռական պատասխան կտա նրա գործողություններին։