ԵՐԵՎԱՆ, 1 ապրիլի – Sputnik. ԱՄՆ հետախուզական հանրությունը եզրակացություններ չի արել «Հավանայի համախտանիշի» դեպքերին Ռուսաստանի ներգրավվածության մասին, հայտարարել Է Սպիտակ տան պաշտոնական ներկայացուցիչ Կարին Ժան Պիեռը:
«Հետախուզական հանրությունը նման եզրակացությունների չի եկել...»,- ճեպազրույցում ասել է Ժան Պիեռը։
Ավելի վաղ CBS News հեռուստաալիքը պնդում էր, որ ապացույցներ կան, որ ռուսական հատուկ ծառայությունները ներգրավված են «Հավանայի համախտանիշի» դեպքերին, երբ ամերիկացի դիվանագետներն ու պաշտոնյաները զգում էին անբացատրելի սրտխառնոց և գլխացավ:
«Հավանայի համախտանիշի» դրսևորումները ՝ գլխապտույտ, սրտխառնոց, գլխացավեր և լսողության խնդիրներ, առաջին անգամ նկատվել են Կուբայում ամերիկացի դիվանագետների մոտ 2016 և 2017 թվականներին, ինչպես նաև Չինաստանում ՝ 2018 թվականին: Ավելի ուշ ԶԼՄ-ները հայտնել էին, որ դեպքեր են գրանցվել Վիեննայում, Աֆրիկայում, Տաջիկստանում և Ռուսաստանում ԱՄՆ դիվանագետների, հետախուզության աշխատակիցների և այլ պետծառայողների շրջանում: ԿՀՎ ղեկավար Ուիլյամ Բըրնսի տվյալներով՝ «Հավանայի համախտանիշից» ընդհանուր առմամբ տուժել է մի քանի հարյուր մարդ։
Ռուս պաշտոնյաները բազմիցս հերքել են նման միջադեպերին իրենց մասնակցությունը։
Մեկ տարի առաջ հաղորդվեց ԱՄՆ հետախուզական հանրության զեկույցի մասին, որում նրանք եկել էր այն եզրակացության, որ արտասահմանյան գործուղումների ժամանակ ամերիկացի պաշտոնյաների մոտ «Հավանայի համախտանիշը» կապված չէ «օտարերկրյա հակառակորդների» գործողությունների հետ։