Ամիսներ առաջ արտգործնախարարության պաշտոնական կայքից հեռացվեց Լեռնային ղարաբաղ բաժինը։ Այն մինչև օրս անհասանելի է։ ԱԳՆ-ի պաշտոնական պարզաբանումը հետևյալն էր՝ Լեռնային Ղարաբաղի հակամարտության վերաբերյալ բաժինն ԱԳՆ-ի կայքէջից չի հեռացվել, իսկ բովանդակությունն արտացոլված կլինի պատշաճ ժամկետներում:
Ազգային ժողովի «Հայաստան» խմբակցության պատգամավոր Արթուր Խաչատրյանը ֆեյսբուքի իր էջում գրել է, որ պետական կառավարման մարմինների կայքերից շարունակում են անհետանալ Արցախի մասին հիշատակումները։ Ըստ Խաչատրյանի՝ Արցախյան հերոսամարտի բաժինը չկա նաև պաշտպանության նախարարության կայքում։
Արցախի բաժինը հեռացվել է նաև Հայաստանի նախագահի կայքից։ Նախագահականից պարզաբանել են, որ Արցախի բաժնի բովանդակության լրամշակման աշխատանքների իրականացման անհրաժեշտությամբ պայմանավորված, այն ժամանակավորապես հասանելի չէ։
Sputnik Արմենիայի հետ զրույցում Ազգային ժողովի «Հայաստան» խմբակցության պատգամավոր Արթուր Խաչատրյանը համոզմունք է հայտնել, որ Ադրբեջանի պահանջով է, որ պետական կայքերից հեռացվում են Արցախի մասին հիշատակումները։