ԵՐԵՎԱՆ, 25 մարտի - Sputnik. Մոսկվայի Բասմանյան դատարանը 2 ամսով կալանավորեց «Կրոկուսի» ահաբեկչության գործով անցնող Մուհամադսաբիր Ֆայզովին ու Ֆարիդունի Շամսիդինին։
Ֆարիդունի Շամսիդինը 25 տարեկան է, Տաջիկստանի քաղաքացի, ամուսնացած է, ունի 8 ամսական երեխա: Պաշտոնապես աշխատորպես բանվոր է աշխատում Պոդոլսկի մանրահատակի գործարանում։ Գրանցված է Կրասնոգորսկում։
Մյուս ահաբեկչին՝ 19-ամյա Մուհամադսաբիր Ֆայզովին, շտապօգնության բժշկի ուղեկցությամբ դահլիճ են տեղափոխել նստած պատգարակով։ Ահաբեկիչ Մուհամմադսոբիր Զոկիրչոնովիչ Ֆայզովին Բասմանի դատարան են բերել սայլակով։ Նա էր, ով սարսափելի տեսագրություն էր արել ահաբեկչության ժամանակ։ Ձերբակալության ժամանակ վիրավորվել է։ Մինչ ահաբեկչությունը վարսավիր էր աշխատում Իվանովոյի մարզում։
Ավելի վաղ երկու ամսով կալանավորվել էին մյուս 2 ահաբեկիչները՝ Դալերջոն Բարոտովիչ Միրզոևն ու Ռաչաբալիզոդա Մուրոդալին։
Նրանց ցմահ ազատազրկում է սպառնում։
Հիշեցնենք` մարտի 22-ին հայտնի դարձավ, որ մերձմոսկովյան Կրասնոգորսկում գտնվող «Կրոկուս Սիթի Հոլ»–ում համերգից առաջ հրաձգություն է եղել, այնուհետև հրդեհ է բռնկվել: Վերջին տվյալներով` ահաբեկչության հետևանքով տուժել է 285 մարդ (այդ թվում՝ 8 երեխա), որոնցից 133-ը մահացել են (այդ թվում ՝ 3 երեխա)։ Բուժհաստատություններ են տեղափոխվել և հոսպիտալացվել 114 մարդ, որից 4-ը՝ երեխա։
Ռուսաստանի քննչական կոմիտեն ահաբեկչության մասին քրեական գործ է հարուցել։ Ձերբակալվել է 11 մարդ, այդ թվում` 4 ահաբեկիչները։
Մարտի 24-ը ՌԴ-ում համազգային սգո օր էր։