ԵՐԵՎԱՆ, 24 մարտի - Sputnik. Այսօր վաղ առավոտյան ձերբակալվել է Մարտական եղբայրության անդամ Ավետիս Ավետիսյանը։ Տեղեկությունը տարածվել է Մարտական եղբայրության ֆեյսբուքյան էջում։
Նշենք, որ Մարտական եղբայրության անդամները այսօր նախատեսել էին այցելել սահմանամերձ Ոսկեպար, որը ոստիկանությունը չէր թույլատրել՝ համարելով վտանգավոր։
«Ինչպես հասկանում ենք, այս ձերբակալությամբ Հայաստանի Հանրապետության ներկայիս իշխանությունը չի սահմանափակվի։ Մարտական եղբայրության նկատմամբ ռեպրեսիաները և քաղաքական հետապնդումները կշարունակվեն»,-նշված է հաղորդագրության մեջ։
Ավելի ուշ հայտնել են, որ կան նոր ձերբակալվածներ. որպես հիմնավորում ոստիկանները ներկայացրել են ապօրինի զենք-զինամթերք կրելու կասկածանքը։
Քիչ առաջ էլ հայտնի դարձավ, որ կորել է կապը Մարտական եղբայրության անդամ Հրանտ Տէր-Աբրահամյանի հետ:
Նշենք, որ կազմակերպության անդամները այսօր նախատեսել էին այցելել սահմանամերձ Ոսկեպար, որտեղ վերջին մեկ տարվա ընթացքում գործունեություն էր ծավալում՝ բարձրացնելով տեղի բնակչության ինքնապաշտպանության ունակությունները: Նրանց ոստիկանությունից հորդորել էին չգնալ անվտանգության նկատառումներից ելնելով, ինչին ի պատասխան Եղբայրության անդամներտը առաջարկել էին փոխզիջումային լուծում, այն է՝ գնալ Բաղանիս, որը նույնպես մերժվել էր: