ԵՐԵՎԱՆ, 23 մարտի – Sputnik. Ռուսաստանի ԱԻՆ-ը թարմացրել է մերձմոսկովյան «Կրոկուս Սիթի Հոլ»–ում ահաբեկչության հետևանքով հոսպիտալացվածների մասին տվյալները:
Ցուցակը, որում 107 անուն է նշվում, հրապարակվել է գերատեսչության պաշտոնական կայքում:
Հիշեցնենք` մարտի 22-ին հայտնի դարձավ, որ մերձմոսկովյան Կրասնոգորսկում գտնվող «Կրոկուս Սիթի Հոլ»–ում համերգից առաջ հրաձգություն է եղել, այնուհետև հրդեհ է բռնկվել: ԱԴԾ-ի վերջին տվյալներով՝ մահացել է ավելի քան 60 մարդ։ Ռուսաստանի քննչական կոմիտեն ահաբեկչության մասին քրեական գործ է հարուցել։